Жывельны свет Беларусі. Узбагачаем слоўнікавы запас, выконваем заданні, пашыраем кругагляд. 6-10 гадоў (2023) С.М. Бялова, «Адукацыя і выхаванне»

При заказе комплектов учебных пособий на класс, группу могут предоставляться скидки !!! Смотрите раздел "Скидки".

Каталоги учебной литературы для дошкольных учреждений и 1-4 классов можно скачать тут: дошкольники - скачать, 1 класс - скачать, 2 класс - скачать, 3 класс - скачать, 4 класс - скачать.

Адна з асноўных мэт гэтай добра ілюстраванай кнігі-атласа – пазнаёміць юнага чытача з дзівосным жывёльным светам Беларусі, паказаць яго багацце і разнастайнасць. На яркіх каляровых фотаздымках прадстаўлены выявы звяроў, птушак, паўзуноў, кузурак, рыб, некаторых відаў амфібій, якія насяляюць нашыя лясы, лугі, балоты, рэкі і азёры. Кароткія, але ёмістыя тэксты з рубрыкі “А ці ведаеш ты, што…”, з аднаго боку, пашыраюць і дэталізуюць школьныя веды дзіцяці з жыцця жывёл, з другога боку, накіраваны на абуджэнне яго пазнавальнай цікавасці, вызначэнне патрэбы з апорай на атрыманыя з тэкстаў звесткі задаваць дадатковыя пытанні, усталёўваць адпаведныя прычынна-выніковыя сувязі. Разнапланавыя гульнёвыя заданні, што прапануюцца на старонках кнігі і тэматычна звязаныя з яе ілюстрацыйным матэрыялам, дапамагаюць дзіцяці асэнсавана ўспрыняць і засвоіць новую інфармацыю, актывізуюць яго думку, развіваюць памяць, увагу, лагічнае і творчае мысленне. Шматлікія практыкаванні на аснове працы з фразеалагізмамі (у тым ліку з устойлівымі выразамі рубрыкі “Калі так кажуць?”), трапнымі прыказкамі і народнымі прыкметамі, загадкамі і асобнымі словамі арыентаваны на актывізацыю слоўніка дзіцяці, развіццё яго маўленчай культуры, далучэнне да духоўнай спадчыны беларускага народа. На ўсе заданні ў канцы кнігі прапануюцца адказы і тлумачэнні.

Займальнае маляўнічае выданне дапаможа арганізаваць вольны час вашага дапытлівага дзіцяці і стане добрым памагатым у яго развіцці.

Адрасавана дзецям малодшага школьнага ўзросту, бацькам, настаўнікам пачатковых класаў.